--Ads--
Panggep ita ti House Prosecution Panel a mangisango iti agarup 25 a testigo iti umadani nga impeachment trial kontra kenni Vice President Sara Duterte idiay senado.
Sigun kenni House Lead Prosecutor ken Batangas 2nd District Representative Gerville Luistro, saan pay laeng dagitoy nga ipakaammo dagiti nagan dagiti testigo gapu a mannarimaan pay laeng dagitoy a dumaldalan iti vetting process.
Nupay kasta, inwaragawagna a dagiti nasao a testigo ket opisyal manipud iti Department of Education (DepEd) ken Office of the Vice President (OVP).
Maipalagip met a maysa kadagiti kangrunaan a nagtestigo kontra iti bise presidente ket ni Ramil Madriaga a nagpaam-ammo a bagman ti Bise Presidente. //bombokaren.c.sapirao
