Agarup 30 a testigo ti naituding nga ipasango ti House prosecution panel iti pangikeddeng ti impeachment kontra kenni Vice President Sara Duterte.
Sigun kenni Batangas Representative Gerville “Jinky Bitrics” Luistri, lead prosecutor ken dadaulo ti House Committee on Justice, kagiddan daytoy ti panangipila ti nasao a komite ti pre-trial brief dagitoy idiay Senate Impeachment Court.
Innayon pay ni Luistro nga adadda a pinalawada ti listaan tapno masigurado a mailatag amin dagiti napapateg a testimonya.
Nupay kasta, inlawlawag ni Luistro ken San Juan City Representatibe Ysabel Maria Zamora a sigun iti pagalagadan ti impeachment, saan pay laeng nga inaganan dagiti nasao a testigo para iti seguridad dagitoy.
Naituding nga ipatungpal ti senado ti pre-trial conference inton Hunyo 18, bayat a pormal met a marugian ti impeachment trial inton Hulyo 6 iti agdama a tawen. //bombokaren.c.sapirao
