Dumanon iti agarup 30 nga indibidual ti pimmusay gapu iti panaglayus ken panagreggaay ti daga idiay Beijing, China.
Malaksid iti dayta, nagbakwit dagiti agarup 80,000 nga indibidual bayat ti napigsa a tudo ken layus a nangdadael kadagiti kalsada ken babbalay iti amianan a paset ti China.
Mainaig iti dayta, walo a tattao ti pimmusay gapu iti panagreggaay ti daga idiay Chengde city.
Gapu iti dayta, inawagan ni China President Xi Jinping ti “all-out” a panagregget iti panangispal kadagiti biktima.
Imbilinna pay kadagiti autoridad nga agsaganada para kadagiti “worst-case ken extreme scenarios”.
Kabayatanna, nadadael ti adu a kalsada ken naawanan iti koriente dagiti nasurok 130 a purok sadiay China.