Agarup 317 a Pilipino manipud Middle East ti natalged a nakaawid iti pagilian a Pilipinas babaen iti maikatlo a chartered flight kas pammilin ni President Ferdinand “Bongbong” Marcos, Jr.
Karaman kadagitoy ti 153 nga Overseas Filipino Workers kadua dagiti 114 nga dependents dagitoy ken 50 kadagiti stranded Filipino passengers nga nangiyebkas a kayadta nga agawid iti pagilian gapu iti nabara a tensyon idiay Middle East.
Ti naballigi a panagawid dagitoy ket babaen iti nagtipon a pannakitinulong ti Department of Migrant Workers (DMW), Department of Foreign Affairs (DFA), Philippine Embassy in Abu Dhabi, Philippine Consulate General at Migrant Workers Office sa Dubai, ken ti Overseas Workers Welfare Administration (OWWA).
Daytoy ti maikatlo nga chartered flight ti gobyerno manipud Dubai, United Arab Emirates kas paset iti initiatiba ti gobyerno a mapapartak ti panangtulong ken panangpaawid kadagiti Overseas Filipino Workers a nastranded idiay Middle East.
Iti agdama, agarup 2,099 nga Overseas Filipino Workers ken independents dagitoy ti nairekord a napaawid iti pagilian iti sidung ti government repatriation effort manipud Marso 5.
Naipaay meten kadagitoy ti immediate assistance kas iti financial ken welfare assistance manipud Department of Migrant Workers (DMW), ken Overseas Workers Welfare Administration (OWWA); medical assistance manipud Department of Health (DOH); psychosocial support manipud Department of Social Welfare and Development (DSWD). //bombokcs
