Pimmusay ti agarup tallo pulo ket maysa nga indibidual idiay Gaza gapu iti panagatake ti Israel nga asideg iti pangiwarasan ti tulong nga imanmanehar ti pribado a grupo a nakabase idiay Estados Unidos.
Daytoy ket sigun kadagiti health authorities kagiddan ti panagpinnabasol ti Hamas ken Israel.
Ti insidente ti kaudian a napasamak idiay Gaza kasaruno ti dandani tallo a bulan a panaglapped ti Israel kadagiti tulong idi napalabas a bulan.
Kabayatanna, sigun iti Palestinian Red Crescent, nakarekober ti medical teams kadagiti bangkay a dumanon iti duapulo ket tallo a Palestinians ken tinamingda ti duapulo ket tallo a sabali pay a nadangran.