Dumanon iti agarup tallo gasut tallo pulo ket dua a kandela ti nasindian iti Bantayog ng mga Bayani idi Sabado, September 21, 2024 sadiay Quezon City tapno mapadayawan dagiti martir ken bannuar a nakiranget iti Martial Law idi September 23, 1972.
Paset daytoy iti maika-52 nga annibersario ti diklerasion ti Martial law iti pagilian.
Naangay dagiti candle-lighting ceremonies iti garup dua pulo ket maysa a lugar iti intero a pagilian.
Sumagmamano kadagiti studiante ti nangipeksa iti panangpadaywa kadagiti nakiranget ken pimmusay kabayatan ti Martial Law, nu sadino kinunada nga adu dagiti pimmusay a saan a nakakita iti inar-arapaapda a panagbiag.
Impaganeget met ni Kiko Aquino Dy, Deputy Executive Director iti Ninoy Cory Aquino Foundation a masapul a laglagipen dagiti adda iti turayna nga iti demokrasia, ti pannakabalin ket kukua dagiti tattao.
