Dumanunen iti agarup 42,000 a pamilya wenno 133,000 a tattao sadiay Western Visayas ti apektado iti Bagyo a Tino.
Daytoy ket maibasar iti kaudian a datos ti Office of Civil Defense Region 6 (OCD-6).
Malaksid iti dayta, kaadduan kadagiti naapektaran a pamilia ket manipud sadiay Capiz a dumanon iti 17,000; sinaruno ti agarup 9,000 a pamilia sadiay Iloilo; Aklan a dumanon iti 8,000; Antique nga agarup 7,000 ken Guimaras a dumanon iti agarup 1,000.
Na-stranded met kadagiti sumagmamano a sangladan iti Western Visayas dagiti agarup 400 nga indibidual ken 113 a rolling cargoes.
Kabayatanna, dumanon iti 30,000 a pamilya wenno 94,000 a tattao ti adda kadagiti 1,303 nga evacuation centers.
Naipaay metten ti agarup P1 Million a gatad ti food packs ken non-food items iti lokal a gobierno dagiti naapektaran a lugar.
