Pimmusay ti 49 nga indibidual kalpasan a napasamak ti napigsa a panagbayakabak ti tudo ken panaglayos sadiay South Africa.
Dagiti biktima ket pakairamanan ti uppat nga ubbing a nalayos bayat ti kinaadda iti school minibus.
Sigun iti maysa nga opisyal sadiay, manamnama a ngumato pay ti bilang ti death toll bayat a maipatpatungpal ti search and rescue operations.
Kinuna dagiti otoridad a ti panagbayakabak ti tudo ken nakadduan iti snow rason nga ado a balay ti nalayos ken ginasgasut a pamilya ti nagturong kadagiti evacuation centers.
Naapektaran met laeng ti kuryente dagitoy kasta met ti suplay ti danum iti nasao a a lugar.
Kabayatanna, kinuna ni South African President Cyril Ramaphosa nga agtultuloy ti panagresponde ti National Disaster Management Center kadagiti anyaman a krisis.
