--Ads--
Adadalen ita ti pre-trial chamber ti International Criminal Court (ICC) dagiti application ti agarup limagasut nga indibidwal a mangkidkiddaw ti panangikonsidera kadakuada kas biktima iti crimes against humanity case kontra kenni sigud a president Rodrigo Duterte.
Iti dokumento a napetsaan iti Pebrero Nuebe, naisumitir ti 227 application a buklen ti 500 nga indibidwal iti Pre-Trial Chamber (PTC) I.
Saklawen daytoy dagiti “indirectly” affected iti kampanya ti sigud a presidente nga drug war a maatap a nangitunda iti ipupusay iti agarup 30,000 nga indibidwal.
Maipalagip a naituding ti confirmation of charge hearing ti sigud a presidente inton umay a Pebrero 23. // Bombo Karen Calpoe Sapirao
