Dumanonen ti 54 a Pilipino idiay Israel ti agkidkiddaw ti repatriation iti tenga ti ngumatngato a tensyon idiay Middle East.
Sigun kenni Philippine Ambassador to Israel Aileen Mendiola, agarup 32 a turista ken 22 overseas Filipino workers (OFWs) ti nangiyebkas a kayatdan a makaawid iti pagilian a Pilipinas.
Innayon ti Ambassador a maysa kadagiti sangsangwenda ita a karit ket nu kasatno da a mapaawid dagitoy gapu ta awan ti flights paruwar ken pauneg iti Israel ken naisaran dagiti dadduma a land crossing sadiay.
Nupay kasta, plano da nga un-unaen dagiti turista a na stranded gapu ta awan ti permanente a pagtaenganda sadiay.
Mannarimaan meten ti pannakikoordinar ti nasao nga embahada iti Ministry of Tourism ti Israel tapno mapaawid amin dagitoy . //Bombo Karen Sapirao
