Impakaammo ti director ti al-Shifa Medical Complex nga agarup 55,000 a masikog a babbai ti agsagsagaba iti malnutrision sadiay Gaza.
Malaksid iti dayta, kumarkaro ti health crises sadiay.
Sigun pay iti direktor, saanen a makaipaay dagiti ospital ti serbisio gapu iti kimmapsot a health system.
Innayonna a ngumatngatu metlaeng ti kaso ti gastroenteritis gapu iti kinaawan ti nalinis a danum a mainum.
Kabayatanna, dumakdakkel paylaeng ti bilang dagiti Hunger-reated deaths sadiay Gaza.
Sigun met kenni Mohammed Zaqout, director ti general hospitals sadiay Gaza, agarup 106 nga ubbing ti karaman iti 235 a tattao a pimmusay gapu iti bisin.
Gapu iti dayta, idagdagadag ni Zaqout ti international community a makibiangda tapno mapalubusan ti pannakaiserrek dagiti kasapulan a tulong sakbay nga adu ti matay gapu iti malnutrision sadiay.
