--Ads--
Kinumpirmar ti International Committee on Red Cross a winayawayaan dagiti Houthis rebels ti agarup 600 a prisoners of war sipud nangrugi ti gubat idiay Yemen.
Sigun kenni Abdul-Qader al-Murtaza, Houthi official ti Prisoners Affairs, daytoyen ti maysa kadagiti kaaduwan a batch a nawayawayaan iti 12 a tawen a civil war idiay Yemen.
Sigun met iti Red Cross, apaman a nawayawayaan dagiti balud, dagosda dagitoy a tinaming ken inturongda kadagiti pagagasan dagiti kasapulan iti kanayunan a serbisyo medikal.
Nangipatungpalda metlaeng iti interview kadagiti amin a detainee sakbayda dagitoy a pinalubosan.
Maipalagip a rinaut dagiti Houthi rebels ti Yemen gapu ta kayatda a kontrolen ti gobyerno iti nasao a lugar.











