Pimmusay ti agarup 69 a tattao bayat a mapukpukaw dagiti 11 nga indibidual kalpasan a nauram ti hypermarket iti al-Kut city sadiay southern Iraq idi July 16, 2025.
Sigun iti maysa City Official, adu dagiti bangkay a saanda paylaeng a narekober.
Kaaduan kadagiti tattao ti na-trap iti uneg ti nasao a mall bayat a dumakdakkel ti uram.
Mainaig iti dayta, kasapulan iti DNA testing kadagiti 15 a bangkay kalpasan a nakaro ti pannakauram dagitoy.
Maibasar iti inisyal a police report, nagrugi ti uram kadagiti paglakuan ti bangbanglo ken cosmetics.
Manarimaan paylaeng ti kanayunan nga imbestigasion iti rasun ti napasamak nga uram.
Kabayatanna, imbilin ni Prime Minister Mohammed Shia al-Sudani ti dagus nga imbestigasion ken kinniddaw ti opisinana ti national mourning gapu iti nasao nga insidente.
