Inwaragawag ti Department of Education (DepEd), mapatta-patta a dumanon iti agarup 8,000 a pagadalan ken 6 milyon nga estudyante ti naapektaran kadagiti naglabas a bagyo ken habagat iti pagilian.
Sigun kenni Education Secretary Sonny Angara, ti nasao a bilang ket 1/5 iti pakabuklan a bilang ti pagadala iti pagilian. Innayon daytoy a posible pay a manayunan pay daytoy gapu ta saan pay laeng a nagreport dagiti dadduma a pagadalan.
Sigun pay kenkuana, iti kaudian a situational report ti ahensya, 217 a pagadalan ti maar-aramat pay laeng kas evacuation centers para iti agarup 6,400 a pamilya.
Mapatta-patta met a kasapulan ti agarup P32.69 milyon ti kasapulan a pundo para iti panangdalus ken clearing operation iti agarup 1,157 a pagadalan.
Malaksid iti dayta, P192.86 met ti kasapulan para iti pannakatarimaan ti agarup 3,936 a nadadael a pagadalan.
Kaaduan kadagiti naapektaran a pagadalan ket nailista idiay Ilocos Region, Central Luzon, ken Cordillera Administrative Region. //bombokaren.c.sapirao