Agarup 9,000 a kapulisan ti maideploy idiay Metro Manila tapno mangsigurado iti seguridad ken mangbantay iti trapiko ita nga aldaw para iti transport strike.
Sigun iti Philippine National Police (PNP), 9, 979 a personnel ti maideploy kadagiti fixed visibility pointa, 1,564 iti mobile patrol operations, 1,298 motorcyle patrols, ken 2,312 met ti agserbi para iti foot patrol duties.
Sabali pay a 193 personnel ti madutokan iti traffic assistance kabayatan a 1,701 met ti mangbantay kadagiti border control points ken manning checkpoints.
Impakaammo ti nasao nga opisina a mannarimaan ti pannakikoordinarda kadagiti maseknan nga ahensiya ti gobyerno ken local government units (LGUs) tapno suportaranda ti “Libreng Sakay”.
“We are fully deployed to ensure that our fellow Filipinos remain safe and can still go about their daily activities despite the situation,” sigun kenni PNP chief Police General Jose Melencio Nartatez Jr.
“We respect the right to peaceful assembly, but we will not allow any disruption that will endanger public safety,” innayon pay daytoy.
Iti baet dayta, naituding met a mangisayangkat ti Transport group PISTON ti nationwide strike kas protesta iti serye ti panagngato ti presyo ti petrolyo gapu iti nabara a tensyon idiay Middle East.
