METRO, MANILA- Maiwaras ti agarup 9,000 a police officers sadiay EDSA People Power Monument intun Nobiembre 30, 2025.
Sigun iti Philippine National Police (PNP), mai-deploy dagiti Polis tapno mapagtalinaed ti linak ken siguradad kabayatan iti “Trillion Peso March” kontra iti korapsion.
Innayon iti nasao nga ahensia a 9,099 a personel ti maiwaras a pakairamanan dagiti 7,443 manipud iti Civil Disturbance Management units ken 1,656 mapud iti Reactionary Standby Support Force.
Dagitoy ti nabilin a mangasikaso iti crowd control, negotiation, monitoring, ken rapid response operations.
Kabayatanna, maipasidong ti National Capital Region Police Office (NCRPO) iti full alert intun Nobiembre 28 tapno masigurado ti maximum presence iti pulisya ken dagus a mobilization capability sakbay ti nasao nga aktibidad.
