Agarup 9,000 a suldado ti naituding nga ibaon ti Estados Unidos iti Pilipinas para iti joint military exercises ita a tawen.
Daytoy ket kas panangpapigsa ti relasion ti kaalyado ti Pilipinas iti baet ti tension iti China gapu kadagiti aktibidadna iti South China Sea ken iti Taiwan.
Ti tinnawen a panagsanay, nga inladawan ti Armed Forces of the Philippines a rehearsal para iti national defense, ket pakairamanan ti 5,000 a suldado a Pilipino, 200 manipud iti Australia Defence Force, ken “observers” manipod iti Japan Self-Defence Force.
Iti umuna a gundaway, dagiti “observers” manipod iti nagduduma a pagilian a kas ti Poland ken ti Czech Republic ket makipaset iti nasao a panagsanay.
Sigun kenni Brigadier General Michael Logico, pannakangiwat ti nasao a programa, nababbaba ti bilang dagiti suldado ita a tawen ngem ti 17,600 idi 2023.
Ti tinnawen a “Balikatan,” wenno “‘shoulder-to-shoulder’ drills” ket mangipakita iti nauneg a relasion iti nagbaetan dagiti kaalyado ti Pilipinas, kagiddan ti tension a mapaspasamak iti South China Sea ken ti aglawlaw ti Taiwan, nu sadinno napasamak ti kaudian a large-scale military exercises.
Kinuna ni Logico a tratuenda itan ti panagsanay kas maysa nga rehearsal para iti depensada.
Kabayatanna, ti drills ket agbayag manipod Abril 21 agingga May 9, iti agdama a tawen.
