Nangipaay ti Department of Social Welfare and Development Field Office-Cordillera (DSWD FO CAR) iti agarup 9,000 a family food packs kadagiti pamilya a naapektaran idiay La Trinidad gapu iti saan a nasayaat a paniempo.
Sakbay dayta, nangisayangkat pay ti nasao nga ahensya iti quality check tapno masigurado a saan a nadadael dagiti relief sakbay a maiwaras kadagiti apektado.
Kagidan dayta, inyebkas ti nasao nga ahensya ti panagyamanda kadagiti nakipaset iti panangisaganada kadagiti relief partikular dagiti estudyante manipud Cordillera Career Development College (CCDC) ken dadduma pay.
Kabayatanna, dumanon metten iti P75.13 milyon ti gatad ti naipaay a humanitarian assistance kadagiti apektado iti entiro a rehiyon ken adda pay laeng met ti ₱89.84 nga standy resources ti ahensya para iti agtultuloy a relief operation.
Inwaragawag met ti nasao nga ahensya kadagiti pamilya ken indibidual a naapektaran iti naglabas a bagyo ken habagat a makikoordinarda kadagiti babbarangayda para iti kaskenan nga assistance ken proseso iti panangawat iti relief support manipud iti DSWD.