Nadadael ti agarop dua pulo(20) a babalay sadiay Barangay Candating Arayat, Pampanga gapu iti panagdalapos ti ipu-ipo pasado alas dose ti aldaw idi Lunes,May 27.
Nangitunda metlaeng daytoy ti panakatuled ti tallo a poste ti kuryente iti nasao a lugar rason a napukaw ti suplay ti kuryente sadiay.
Malaksid iti dayta, natuklap metlaeng ti yero ti maikatlo a palapag ti maysa a pagadalan iti nasao a lugar kasta met ti simbaan gapu iti ipu-ipo.
Sigun iti report,dagus a nangideploy ti personel ti lokal a gobyerno ti Arayat tapno ma-assess ti nagbalin nga epekto daytoy.
Imbinglay met ti maysa kadagiti maseknan nga opisyal a manageable ti sitwasyon ken impasiguradona a makaawat ti assistance dagiti naapektaran.
Kabayatanna, manarimaan paylaeng ti imbestigasyon iti danyos a naitunda ti nasao a natural disaster.
