Pimmusay ti agarup duapulo nga indibidual kalpasan a pinalpaltugan dagiti mapapati a militante dagiti turista iti teritorio ti Jammu and Kashmir idiay India, sigun kadagiti otoridad.
Nangrugi ti panangraut idiay Pahalgam, maysa a nalatak a destinasion nga addaan ti maay-ayo nga aglawlaw, ken kabambantayan a rehion.
Sigun iti maysa kadagiti saksi, ti panangpalpaltug ket napasamak iti sangaunanna bayat a kinuna met ti maysa nga uppat a kilometro a saanda a nagsarsardeng a nagna paaddayo manipod kadagiti militante a grupo.
Napamasak ti panangraut iti off-the-road meadow ken dua wenno tallo a militante ti nairaman, maibasar iti diario nga Indian Express.
Saan a dagus a naammuan ti nasionalidad dagiti biktima.
Dagos met a nagturong ni Indian Home Minister Amit Shah idiay Kashmir tapno mangisayangkat iti security meeting.
Nagbalinen a manmano dagiti panangraut a puntiria dagiti turista idiay Kashmir.
Napasamak ti naudi a panagatake idi Hunio 2024 nu sadinno, agarup siam a tattao ti pimmusay ken 33 ti nadangran kalpasan a ti panangraut dagiti militante.
Sumagmamano a dadakkel a panangraut dagiti militante ket naigiddan iti panagbisita dagiti high-profile foreign officials idiay India iti panangpadas a mangawis ti atension iti sangalubungan, sigun kadagiti Indian security agencies.
Ti panagatake idi kalman ket napasamak kalpasan ti panangrugi ti uppat nga aldaw a panagbisita ni United State President JD Vance idiay India.
