BAGUIO CITY – Dumanon iti P1 million ti mapattapatta a gatad ti nauram a balay sadiay Tabangaoen, Balili, La Trinidad, Benguet idi kalman.
Naamuan a ti nakarehistro nga agtagikua iti daytoy ket ni Elizabeth Macayba, tubo ti Besao, Mt. Province ngem agnanaed ita sadiay New Zealand isut gapuna a dagiti agnanaed iti nasao a balay ket dagiti dua nga annak daytoy.
Sigun kenni SFO1 Sonny Navara, duty investigator ti La Trinidad Municipal Fire Station, dagusda a nagresponde apaman a naireport kadakuada ti uram.
Nupay kasta, naan-anay a nauram ti dua a kadsaaran a balay.
Maibasar iti imbestigasyon ti La Trinidad Municipal Fire Station ken dagiti pulis, naamuan a pinanawan ti maysa kadagiti bumalay a ni Winston Macayba ti pagtaenganda sakbay ti pangaldaw idi kalman ngem iti panagsublida ket ditoy a nakitana a maur-uram ti sala ti maikadua a kadsaaran ti balayda.
Naduklatan met iti area mapping a nagtaud ti uram iti maikadua a kadsaaran ti nasao a balay bayat a manarimaan latta ti imbestigasyon para iti panaka-ammo ti nagtaudan ti uram.
—————– Filipino translation ————–
BAGUIO CITY- Aaabot sa P1 million ang halaga ng mga kagamitan na nasunog sa isang bahay sa Tabangaoen, Balili, La Trinidad, Benguet kahapon.
Ang nasabing bahay ay pag-aari ni Elizabeth Macayba, tubo ng Besao, Mt. Province at kasalukuyan itong naninirahan sa New Zealand kung kaya’t ang dalawa lamang nitong anak ang nakatira sa nasabing bahay.
Ayon kay SFO1 Sonny Navara, duty investigator ng La Trinidad Municipal Fire Station, agad silang nagresponde pero tuloyan nang nilamon ng apoy ang bahay.
Batay sa imbestigasyon na isinagawa ng La Trinidad Municipal Fire Station at ng mga pulis ay nalamang umalis ang isa sa mga anak ni Macayba na si Winston Macayba ngunit nang bumalik ito ay nakita na lamang niya na nasusunog ang kanilang sala sa ikalawang palapag ng kanilang bahay.
Nalaman naman sa area mapping na isinagawa na nagsimula sa ikalawang palapag ang sunog.
Sa ngayon ay nagpapatuloy pa din ang imbestigasyon sa nasabing sunog upang malaman ang sanhi nito.
