--Ads--
Inwaragawag ti European Union (EU) idi Biernes, September 18 a mangipaay daytoy iti €150,000 wenno P10.9 million a tulong a mangsuporta iti Philippine Red Cross.
Maaramat daytoy para kadagiti 32,000 nga indibidual a naapektaran iti layus sadiay Ilocos Region, Central Luzon, ken Metro Manila.
Sigun iti EU, makatulong ti pondo a mangipaay kadagiti alikamen iti pagtaengan kas iti sleeping kits, water containers, hygiene items, hot meals, mainum a danum ken dadduma pay.
Maipaay metlaeng ti medical consultations, medicines, health information, mental health, hygiene activities ken disease monitoring tapno mapribentaran ti water-borne ken vector-borne diseases.
