--Ads--
Inwaragawag ni PCO chief Dave Gomez nga insingasing ti Presidential Communications Office (PCO) ti P16 million tapno malapdan ti “fake news”.
Malaksid iti dayta, naisingasing ti P252 million para iti advertising expenses para iti 2026.
Sigun kenni Gomez, adu dagiti ar-aramidenda a trabaho tapno malabanan ti fake news ken misinformation, manipud iti digital front ken koordinasion kadagiti dadduma a government agencies para met iti datos dagiti fake news sites.
Kabayatanna, agtultuloy ti panangipaayda iti impormasion kadagiti tattao seknan kadagiti palso a damag.
Daytoy ti kinuna ti nasao nga opisial kabayatan ti budget briefing ti PCO’s proposed P2.5-billion budget para iti 2026 a naangay itay nabiit.
