Inwaragawag ni sigud a Commission on Audit–Intelligence and Confidential Fund Audit Office (COA-ICFAO) State Auditor ken Prosecution witness a ni Atty. Roderick Wamil nga agarup P40 Milyon iti confidential funds ni VP Sara ket naaramat iti medical ken food aid.
Sigun iti resibo nga insubmitir ti Office of the Vice President, rumrumwar a ti nasao a pundo ket naaramat kadagiti transaksyon a saan a mapalpalubosan iti sidung ti agdama a linteg.
Sigun pay kenni Wamil, nalawag a pananglabsing daytoy iti regulasyon ti panangaramat iti confidential funds para kadagiti nasao nga items.
Dagiti sumaganad ket dagiti resibo a maipresenta iti impeachment court a naglaon kadagiti nagan ken dagiti naawatda a gatad:
Mary Grace Piattos- P70,000
Nova Piattos- P85,000
Renan Piattos- P110,000
Andy Lim- P50,000
Alejandro Pikit- P90,000
Feonna Biong- P80,000
Sisfrunio Balsac- P70,000
Mico Harina – P295,000
Janice Marie Revilla- P70,000
Patty Ting- P150,000
Gabriela Bisaya – P70,000
Sigun iti House Prosecution panel, dagiti dokumento ket pirmado amin ni VP Sara Duterte. Innayon ni Atty. Kapunan nga aprobado mismo ni VP Sara dagiti nasao a transaksyon. //bombokaren.c.sapirao
