Dumanon iti agarup P5.8 Million a gatad ti marijuana ti dinadadael ken pinuoran dagiti otoridad idi Mayo 9 agingga 10, 2026.
Resulta daytoy ti provincewide/provincialwide simultaneous Marijuana Eradication a naipatungpal.
Daytoy ket paset ti intensified implementation ti OPLAN Ultimate Grasscutter 2026.
Sadiay Kibungan, Benguet, agarup P5,040,000.00 a gatad ti fully grown marijuana plants ti nadiskubre kadagiti uppat a plantation sites iti communal forest idiay sitio Balbalnag, Barangay Badeo, Kibungan, Benguet.
Iti munisipyo ti Kapangan, Benguet, dumanon ti agarup 900 a marijuana seedlings nga addaan ti SDP a P36,000.00 ti nadiskubre iti communal forest idiay Sitio Ambalading, Pudong, Kapangan, Benguet.
Kabayatanna, dumanon ti 350 a fully grown marijuana plants ti nadiskubre sadiay sitio Lubban, Kayapa Bakun, Benguet.
Addaan daytoy iti SDP a P70,000.00; nadiskobre ken nadadael met ti 500 a FGMJP idiay sitio Makagang, Kayapa, Bakun Benguet nga addaan ti SDP a P100,000.00 ken iti sitio Agay-ay ken Bulisay, Kayapa, Bakun, Benguet a dumanon ti 1,250 nga FGMJP nga addaan ti SDP a P250,000.00.
Mainaig iti dayta, nadiskobre manen ti agarup 1,500 a FGMJP nga addaan ti SDP a P300,000 kabayatan ti pannakaipatungpal ti follow up operation idi Mayo 10. 2026.
Iti sabali a bangir, nadiskubre metlaeng ti 59 a marijuana seedlings nga addaan ti SDP a P2,000 iti communal forest sadiay Gusaran, Botiao, Barangay Cattubi, Atok, Benguet.//Bombo Noveh Organo
