Impakaammo ti Department of Justice (DOJ) a naisublin iti Bureau of the Treasury (BTr) ti agarup P841.3 Milyon a nasubot manipud iti naanomalyaan a flood control projects iti pagilian.
Daytoy ket paset iti kampanya ti gobyerno kontra iti panangsubli kadagiti pundo a kukua ti umili.
Sigun iti dokumento nga inparuar ti Department of Justice (DOJ), nagiti naurnong a gatad ket dagos a naideposito iti BTR Flood Control Restitution Account idiay Land Bank of the Philippines.
Sigun iti nasao nga ahensya, ti panangsubbot iti nasao a gatad ket paset iti panangipatungpal iti kiddaw ni President Ferdinand Marcos Jr. a mabawi ti kwarta dagiti Pilipino.
Innayon pay daytoy nga agtuloy ti pannakitinnulongda iti Office of the Ombudsman tapno makabukel kadagiti kaso kontra kadagiti adda pakainaiganna kadagiti iregularidad. //bombokaren.c.sapirao