Naituding iti panangisubasta ti National Food Authority iti agarup 754,000 bags ti ‘aging’ milled rice wenno rice stocks a bimmayagen iti tallo a bulan.
Sigun kenni National Food Authority Administrator Larry Lacson, daytoy ket tapno mawayaand dagiti warehouses ken maliklikan ti spillage.
Mailukat daytoy kadagiti auction tenders inton Pebrero 20 ken maangay ti pre-auction conference inton Pebrero 13.
Impanamnama ni Lacson a dagiti maipasubasta nga rice stocks ket nagdalan ken pimmasa kadagiti laboratory tests. Innayonna pay a dagitoy ket “good and fit for human consumption.”
Mapatta-patta a nu mailako amin dagiti nasao a bagas ket dumanon daytoy iti P912 million a maaramat iti operational expenses iti sektor ti agrikultura kas iti pangpasweldo kadagiti tattao, panangitransport kadagiti bagas,ken dadduma pay.
Maangay ti nasao nga auction idiay NFA Central Office iti maiyanunso a petsa.// Bombo Karen Calpoe Sapirao
