Pimmusay ti agarup pito nga indibidual kalpasan ti panagreggaay ti daga ken panaglayus idiay San Jose Village, Antipolo City nga intunda ti Tropical Storm nga Enteng ita nga aldaw, kasaruno ti agtultuloy a panagbayakabak ti tudo sadiay.
Maysa kadagiti biktima ti 27-anyos a masikog bayat a dua kadagitoy ti agkabsat a lallaki a nasarakan a nakaarakup iti tunggal maysa kadagiti naigabur a pitak ken kaykayo.
Dagus met a naitaray dagiti biktima iti pagagasan ngem naidekla metlaeng dagitoy a pimmusay.
Karaman kadagiti nadakamat a bilang dagiti pimmusay ti maysa nga ubbing nga agtawen iti uppat sadiay San luis Village bayat a tallo kadagitoy ti residente sadiay Antipolo kalpasan a nalnedda iti panaglayus nga intunda ti panagngato ti lebel ti danum a nagapu iti karayan.
Iti agdama, dumanon iti agarup uppat a gasut a pamilia ti agtaltalinaed kadagiti baente nga evacuation centers iti nasao a suidad.
Kabayatanna, impasigurado ni President Ferdinand Marcos Jr. a nakasaganna ti Gobierno nga ipaay dagiti kaskenan a tulong iti posible nga epekto ti Tropical Storm nga Enteng.
