--Ads--
NORTHERN, NIGERIA – Pimmusay ti agarup sangagasot ket lima nga indibidual bayat a nadangran ti pito pulo sadiay Northern Nigeria kalpasan a bimtak ti naidungpar a tangke idi Martes, October 16, 2024.
Maibasar iti imbestigasion, naawanan iti kontrol ti driver ti nasao a tangke a nangitunda iti pannakaibukbok dagiti gasolina iti “drainage ditch”.
Dagus met a naguummong dagiti sumagmamano a residente nga agigiyan iti asideg ti nakaidumparan ti tangke tapno agalada kadagiti naibukbok a gasolina manipud iti daytoy.
Nupay kasta killaat a bimtak ti nasao a tangke a nangitunda iti ipupusay ken pannakadangran dagiti biktima.
Sigun kadagiti otoridad, posible a manayunan pay ti bilang dagiti pimmusay.
