Dumanon iti agarup sangagasut sangapulo ket innem nga indibidual ti pimmusay, kalpasan ti napasamak a stampede bayat ti Hindu religious gathering sadiay Hathras district, North India idi laeng kalman, Hulio a dos iti agdama a tawen.
Sumagmamano kadagiti bangkay ti naikabil kadagiti luglugan ken datar gapu iti kinaadu dagitoy.
Sigun kenni Ashish Kumar, administrator ti Hathras district, napasamak ti insidente gapu iti kinaadu dagiti tattao bayat ti panagikkat dagitoy, kalpasan ti nasao a religouse gathering.
Malaksid iti dayta, posible a naigalis dagiti dadduma iti napitak a paset ti nasao a lugar, a nakaidulinan dagiti mainum a donom gapu iti kinabara ti panawen.
Iti agdama, manarimaan ti imbestigasion dagiti otoridad iti napasamak nga insidente.
