Pimmusay ti agarup sangapulo ket innem nga estudyante idiay Nigeria kalpasan a nagcollapse ti pagadalan dagitoy kabayatan ti panag-examda.
Dagus met a nagkiddaw iti tulong dagiti estudyante a natrap kasta met a desperado dagiti parentes a mangkita kadagiti anak dagitoy kabayatan ti panang-ispal dagiti rescue workers kadagitoy.
Sigun iti maysa nga estudyante, agarup lima a minutos laeng ti napalabas idi sinumrek daytoy iti pagadalan idi napasamak ti nasao nga insidente nu sadino makumikom ti tunggal maysa iti eksaminasyonda.
Kabayatanna, saan pay a klaro nu anya ti rason ti panagcollapse ti pagadalan ngem mapatta-patta a daytoy ket epekto ti tallo nga aldaw a nagtudtudoanna iti nasao a lugar.
Saan met a mailibak nga idiay Nigeria ket kadawyan a dagiti pasdek dagitoy ket naaramid kadagiti low-quality materials rason nu apay a kanayun a mapaspasamak ti panagcollapse dagiti pasdek.
