Brazil- Pimmusay ti sangapulo ken mapukpukaw ti dua pulo ket maysa nga indibdiual gapu iti napigsa a tudo ita a lawas iti makin-abagatan ti Brazil a Rio Grande do Sul.
Gapu iti dayta, nagpakdaar ti lokal a gobierno a kritikal ti kasasaad sadiay ken mabalin pay a kumaro daytoy.
Bayat ti press conference dagitoy, kinunana ni state governor Eduardo Leite a nakipagsarita daytoyen kenni President Luiz Inacio Lula da Silva nu sadinno ikagkagkagumaanda nga agsapol ti posible a tulong para kadagiti naapektaran.
Bigbigbigen ni Leite a ti nakaro a panagtudo sadiay ket maysa kadagiti kadaksan a didigri iti pakasaritaan.
“We are experiencing in Rio Grande do Sul the worst moment, the worst disaster in our history. It is absolutely, absurdly, extraordinarily serious what is happening in Rio Grande do Sul right now. And unfortunately, it will get worse.” kinuna ni Leite.
Iti napasamak, adu a babbalay ti nalayos ken nagaburan ti pitak, narba dagiti rangtay ken nadadael dagiti kalsada.
Dagos nga indeklara ni Leite ti pannakasuspindir ti klase iti intero a lugar ken dimmawat daytoy iti suporta manipod kadagiti puersa ti armado a grupo.
Maibasar iti datos, dumanon iti nasurok 3,400 nga indibidual ti naiturong kadagiti natalged a lugar gapu iti panagngato ti lebel ti karayan bayat a sangagasut sangapulo ket uppat a munisipalidad ti naapektaran.
Iti bulletin dagiti otoridad, ti panaglayos ket posible pay a kumaro kadagiti nagduduma a karayan ken posible pay ti flash floods ken panaggaraw ti daga ti lubong kadagiti rehion nga addaan ti narangkis a bakras.
