Impakaammo ti Department of Labor and Employment (DOLE) idi kalman a saan pay dagitoy a nakaawat iti impormasion maipapan kadagiti naawanan iti trabaho a Pilipino manipud iti Philippine offshore gaming operators (POGOs).
Sigun kenni Department of Trade and Industry Secretary Bienvenido Laguesma, nakompleton ti profiling dagiti agarup tallo pulo a ribu a Filipino workers a naapektaran iti panakaiparit iti POGO wenno internet gaming licensees (IGLs) iti pagilian.
Innayon ni Laguesma nga iti baet nga awan ti naawat dagitoy a report, agtultuloy latta ti monitoring iti Department of Labor and Employment National Capital Region (NCR) agsipudta ti nasoa a lugar ti kaaduan dagiti internet gaming licensees (IGLs).
Kabayatanna, sigun iti Philippine Amusement and Gaming Corporation, mapattapatta a dumanon iti agarup uppat a pulo a ribu a panggedan ti maapektaran iti pannakaiparit ti POGO iti pagilian.
Nupay kasta, manamnama a matulongan dagitoy a mangbirok kadagiti baro a panggedanda kas iti administrative, financial, human resources ken encoding roles, agsipudta adu kadakuada ti addaan kadagiti paglaingan a maibagay kadagitoy.
