Nakaawat ti Gobierno ti pagilian iti agarup walo gasot nga aplikasions para iti amnesty manipud kadagiti rebelde sigun kenni Presidential Adviser on Peace, Reconciliation, and Unity of the Philippines (PAPRU) Secretary Carlito Galvez.
Amin dagiti rebelde a nagaplikar iti amnesty ket karaman iti Communist Party of the Philippines-New People’s Army, Moro National Liberation Front, Moro Islamic Liberation Front ken Revolutionary Proletarian Army – Alex Boncayao Brigade.
Karaman kadagiti nagsubmitir dagiti top commanders, front commanders ken central committee members.
Nupay kasta, adda dagiti proseso iti amnesty ken saan a direkta nga agaplikar ti maysa nga idibidual,no sadino adda dagiti termino ken kondision a ma-evaluate.
Maipalagip nga idi Nobiembre iti napalabas a tawen, immanamong ti gobierno ti Pilipinas ken ti National Democratic Front of the Philippines a mangituloy manen iti negosasion para iti kappia, kalpasan a nagpirma dagiti pannakabagida iti nagtitipon a statement para iti prinsipio ken natalna a pannakarisut iti armed conflict iti pagilian.
