BAGUIO CITY – Inaklon ti ama ti Baguio nga agkurkurang ti agas para kadagiti severe wenno nakaro unay a kaso ti COVID-19 ditoy siudad, partikular ti Remdesivir.
Sigun kenni Mayor Benjamin Magalong, parikutda ita ti nasao a banag gaputa agtaud paylaeng saiday India ti suplay ngem gapu iti agdama a sitwasyonda sadiay ket saanda pay nga agilako iti bakuna kontra iti COVID-19 iti ruar ti pagilianda.
Dinakamatna a dagus daytoy a nakaala wenno nakaawat iti tulong wenno donasyon manipud sadiay Metro Manila ngem dagus a naibus idi impatulodna iti Baguio General Hospital gapu iti kaadu dagiti agkasapulan.
Innayonna a pappapartaken pay ti lokal a gobyerno ti procurement program tapnu magatangen dagiti kanayonan a suplay ti agas para kadagiti umili ti siudad ken adda metten ti saritaanda iti maysa kadagiti leading healthcare services provider iti Asya para iti kapada a panggep.
