BAGUIO CITY – Nakemmeg ti agassawa a senior citizen a maatap a marijuana cultivator iti nagbeddangan ti Poblacion ken Palina, Kibungan, Benguet.
Nabigbig dagitoy a da Armando Puyao ken Alicia Puyao.
Sigun ken ni PLt. Leonard Buya, Deputy Chief of Police ti Kibungan Municipal Police Station, naarestar itay alas singko ti parbangon dagiti suspek babaen iti naiserbi a warrant of arrest.
Inlawlawagna nga adda ti maseknan a residente a nagserbi kas informant para iti pannakakemmeg dagiti agassawa a maatap a marijuana cultivators.
Nakasuanen dagitoy iti panaglabsing iti Republic Act 9165 wenno Comprehensive Dangerous Drugs Act of 2002 ken awan ti nairekomendar a piansa para kadakuada.
Mainaig iti daytoy ket guyguyuguyen ni Buya dagiti residente ti Kibungan a boluntario a mangdadael kadagiti makitada a mula a marijuana tapno madalusan ti barangayda manipud iti iligal a droga.
Maipalagip a pinarot ken inuram dagiti otoridad ti nasurok P6-M a gatad ti marijuana sadiay Barangay Tacadang ken Barangay Badeo, Kibungan manipud nangrugi ti operasion idi Pebrero 26,2020 agingga idi Marso 1 ti.
