BAGUIO CITY–Pimmusay ti ag-asawa bayat a nadangran ti anak dagitoy kalpasan a nagaburan iti nagregaay a daga ti pagtaenganda sadiay Tagpaya, Madaymen, Kibungan, Benguet.
Nabigbig dagiti agasawa a da Florentino Ligaten, 50-anyos ken Christina Ligaten, 45-anyos bayat a ti anakda ket ni Clifford Ligaten, 14-anyos.
Sigun kenni Police Senior Inspector Marcial Valdez, hepe ti Kibungan Municipal Station, nagaburan dagiti nasao nga indibidual a nangtunda iti ipupusay ti agasawa ken pannakadangran ti anakda.
Nagresponde a dagus dagiti kaaruba dagitoy ngem dead on the spot dagiti ag-asawa bayat a naitaray ti pagagasan ti anak dagitoy.
Innayun ni Valdez nga addo dagiti panagregaay iti nadumaduma a paset ti nasao a lugar isut gapu a narigatanda metlaeng a nagresponde ti nasao nga insidente.
