Manamnama a sumreken iti pagilian a Pilipinas ti bagyo a ni Aghon ita nga aldaw, maibasar iti kaudian a monitoring iti Philippine Atmospheric, Geophysical, and Astronomical Services Administration (PAGASA).
Sigun iti nasao nga ahensia , manamnama a maporma ti bagyo ita a Biernes manipud iti low pressure area (LPA) ken posible nga aglandfall sadiay Samar, makindaya a Visayas ken Bicol sakbay nga umikkat iti Philippine Area of Responsibility.
Iti agdama, saan pay a manamnama nga aglandfall iti daga ken agtalinaed paylaeng iti taaw.
Nupay kasta, adda ti posibilidad daytoy nga aglandfall ti nasao a bagyo.
Kabayatanna, posible a pumigsa ti mabanbantayan kasasaad iti panawen inton Domingo ken mabalin a dumanon iti tropical storm ken severe tropical storm, bayat nga umadayo iti pagilian a Pilipinas.
