Agbayaw, nakemmeg iti drug buy bust operation sadiay La Trinidad, Benguet

BAGUIO CITY – Naipisok iti pagbaludan ti maysa a lalaki kalapsan a nakemmeg daytoy iti buy-bust operation sadiay Banig, Tawang, La Trinidad, Benguet idi rabii.

Nabigbig daytoy a ni Nathaniel Padilla Endes, 23-anyos, laborer, awanan asawa ken residente iti nasao a lugar.

Narekober kenkuana ti tallo a dadakkel a transparent sachet a naglaon iti maatap a shabu, P1,000 ken boodle money.

Iti panangipatungpal ti PDEA ken ti La Trinidad PNP iti follow up operation ket nakemmeg met ti bayaw ni Endes a ni Abdul Kharim Satori, 18-anyos ken residente metlaeng ti nasao a lugar.

Naala met kenkuana ti 4 a sachet ti mapapati a shabu ken maysa a cellphone.

Naamuan met a ni Satori ti supplier ni Endes.