Kabayatanna, imbinglay ni Councilor Edison Bilog a saan nga umdas ti regulasyon iti siudad ti Baguio maipapan iti panangilako iti arak iti siudad.
Sigun kenni Councilor Bilog, adda pay dagiti probisyon a kasapulan para kadagiti ordinansa iti siudad a saan a maiyem-emplementar a nasayaat.
Maysa kadagitoyen ti saan a panangobserbar iti distansya dagiti paginoman iti siudad manipud kadagiti pagadalan, simbaan , ken government offices ; ken panangipaay iti arak uray nu nalabesen ti bartek dagiti kustomerda.
Imbinglayna metlaeng nga umad-ado itan dagiti balay-paginoman iti siudad ; saan laeng nga iti sentro nu di ket adda payen kadagiti babbarangay no sadino sigun iti konsehal, dagiti dadduma, awananda iti permit ken nu adda man, naipaayan laeng dagitoy iti special permit.
Imbinglay pay ti nasao a konsehal nga ada dagiti paginoman a nakapasamakan dagiti gulo no sadino iti sidung ti probisyon ti siudad, maisara kuma dagitoyen ngem saan daytoy a mapaspasamak.
Sigun pay kenni Councilor Bilog, nu kayat ti siudad a maaksyonan a ti pakaseknan iti arak iti siudad, rumbeng ti nainget ken strikto a pannakipatungpal pay ti total provision ti Liquor Code ti siudad. //bombokaren.c.sapirao