Inpablaak ti International Criminal Court (ICC) dagiti agenda wenno matalantan para iti status conference ti kaso ni sigud a President Duterte inton umay a Mayo 27.
Sigun iti nasao nga international tribunal, nakapokus ti conference iti panagsagana para iti panangikeddeng iti kaso a crimes against humanity ti sigud a presidente.
Karaman kadagiti mapagtatalantanan ket ti petsa a panangirugi iti trial, bilang dagiti testigo ken ebidensya, expert witnesses, witness protection measures, disclosure obligations, ken posible a kannayunan nga insidente a posible nga innayon dagiti prosecutors iti nasao a kaso.
Nangituding metlaeng ti Trial Chamber ti skedyul para iti panagtalantan kadagiti facts, interpretation ken translation a kasapulan, partisipasyon dagiti biktima ken dagiti mosyon a kasapulan a maresolba sakbay a marugian ti nasao a trial.
Maipablaak met para iti publiko ti status conference nupay sigun iti korte, posible a matalantan a pribado dagiti sumagmamano a paset daytoy nangnangruna nu adda dagiti sensitibo nga isyu a maiyuman kabayatan iti conference ken para metlaeng iti seguridad dagiti testigo. //bombokaren.c.sapirao
