Balligi a nadiskubre dagiti otoridad ti aggatad iti P800K a fully grown marijuana plants bayat ti impatungpal dagitoy a marijuana eradication sadiay Sitio Kilong, Tacadang, Kibungan, Benguet.
Naballigi ti nasao nga operasyon babaen iti nagtipon a pwersa dagiti otoridad babaen iti panangidaulo ti Kibungan Municipal Police Station, ken dadduma pay a yunit ti pulisya.
Nagresulta daytoy iti pannakadiskubre dagiti 4,000 a pidaso ti nasao nga iligal a mula kadagiti tallo a communal forest.
Dagus met a pinarut ken inuram daytoy dagiti otoridad.
Nupay kasta, awan ti natiliwan dagitoy a cultivator wenno nagmula.