Impakaammo ni Sen. Erwin Tulfo nga inawis dagiti kameng ti Senate majority nga umakar iti bloc.
Sigun iti Senador, karaman kadagiti inawis ti majority ti kabasatna a ni Sen. Raffy Tulfo, Sen. Lito Lapid, ken Sen. JV Ejercito.
Nupay kasta, impetteng ni Tulfo nga agtalinaedda iti minority agsipudta saan a nakalinya ti presipyo dagitoy iti majority.
Kabayatanna, inaklon ni Tulfo a pinadasda metlaeng nga inawis da Senate Pro Tempore Loren Legarda ken Sen. Jinggoy Estrada nga umakar iti minority.
Maipalagip nga immuna a kinuna ni Sen. Raffy Tulfo a dua kadagiti miembro ti majority bloc ti posible nga umakar iti minority.
Daytoy ket kalpasan a nadismayada iti naisingasing a pannakaamyendar ti Senate rules a mapalubusan ti Senador a makipartisipar iti plenary sessions babaen iti online.
Iti kanito nga umakar dagiti dua a miembro ti majority, kinuna ni Sen. Erwin a botosanda kas Senate President ni Sen. Sherwin Gatchalian.