--Ads--
BAGUIO CITY – Nakemmeg ti agkabsat iti drug buy-bust operation nga insayangkat ti Philippine Drug Enforcement Agency (PDEA) – Cordillera sadiay Upper Purok 7, Asin Road, Baguio City idi malem kalman.
Nabigbig dagitoy a da Aprillo Lagman aka April Lagman ken Benjamin Lagman aka Ben a residente iti nasao a lugar.
Nakumpiskar manipud kadagitoy ti lima a sachet a naglaon ti maatap a shabu, tallo a pidaso ti P500 boodle money ken saggaysa a pidaso ti genuine P500 ken P1,000 bill.
Naipilaan dagitoy iti kaso a panaglabsing iti Comprehensive Dangerous Drugs Act of 2002.
