BAGUIO CITY- Imimbestigaran ita dagiti otoridad ti bangkay ti maysa a babai a nasarakan dagiti residente sadiay Banay, Pidigan, Abra agarup alas nuebe ti agsapa ti Abril 17.
Sigun ti report, nakaawat ti Pidigan Municipal Police Station ti awag mainaig iti marunrunoten a bangkay a nasarakan sadiay Sitio Banay, Brgy. Monggoc, Pidigan, Abra.
Dagus a nagresponde dagiti otoridad ken nadanonanda ti bangkay a nakadasay iti waig.
Nakasuot ti babai iti maroon a leggins ken stripes ti blue ken pink ti sweatshirt daytoy.
Manarimaan ti panakaiproseso ken imbestigasyon dagiti otoridad iti bangkay ti biktima para iti pakabigbigan ken rason ti ipupusay daytoy. cd