Nakemmeg ti maysa nga agtawen iti 35 a lalaki iti naisayangkat a buy-bust operation idiay Benitez Compound, Lower Magsaysay, Baguio City idi laeng kalman, April 14.
Ti nasao a lalaki ket maysa a construction worker a tubo iti Tarlac city ngem agnanaed iti agdama sadiay Pico La Trinidad, Benguet.
Nakumpiskar manipod kekuana ti agarop 2 grams iti maatap a shabu nga addaan iti Standard Drug Price a PhP13,600.
Dagiti met non-drug evidence a nakumpisakar manipod iti suspect ket pakairamanan iti maysa a piraso ti genuine 500 peso bill, tallo a piraso iti 1000 peso bill a boodle money,maysa cellular phone, ken maysa a brown DKNY wallet pouch.
Sumango ti suspect iti kaso a panaglabsing iti Sections 5 ken 11 iti RA 9165 wenno ti Comprehensive Dangerous Drugs Act of 2002.
Kabayatanna, naduktalan met nga naaddaanen ti suspect iti kaso iti kapada a panaglabsing nu sadino, naarestar daytoy idiay Tarlac idi 2019 ngem nadismisar metlaeng daytoy.
Ti balligi a panakaarestar ti nasao a lalaki ket babaen iti nagtitipon a pwersa dagiti kameng iti RPDEU-Police Regional Office-Codillera(lead unit ),RID-PRO-CAR, Baguio City Police Office-Police Station 2, CDEU ken iti CIU, ken iti metlaeng kooperasyon iti Philippine Drug Enforcement Agency.//Bombo Noveh Organo
