BAGUIO CITY- Inwaragawag dagiti sumagmamano a health professionals iti rehiyon Cordillera a kasapulan a maisuro kadagiti pagadalan partikular iti elementary level ti nagatibo nga epekto ti human immunodeficiency virus (HIV).
Daytoy ket kalpasan a rimuar iti panagadal ti Department of Health a ngimmato manen ti kaso ti nasao a sakit iti rehiyon no sadino adda dagiti ubbing nga agtawen iti siyam agingga sangapulo ket maysa ti karaman a naakaran iti daytoy.
Iti interview ti Bombo Radyo kenni Darwin Babon, HIV Coordinator iti Department of Health – Cordillera, dumanon iti 1,132 ti bilang dagiti nakumpirmar a kaso bayat ti bulan ti Abril, iti agdama a tawen.
Patienni Babon a maysa ti social media partikular dagiti dating applications ti maysa kadagiti rason no apay a immadu ti kaso ti human immunodeficiency virus (HIV).
Malaksid iti pannakaipatungpal ti information Dessimanation campaign kadagiti pagadalan, kinuna pay ni Babon a kasapulan ti mutual faithful kadagiti agassawa tapno maliklikan ti panagwaras ti nasao a sakit.
