Dumanon iti nasurok 30 a saksi ti inlista ti House prosecution a naisubmitir iti Senate Impeachment Court idi Lunes, June 15, 2026.
Sigun kenni Lead House Impeachment Prosecutor Gerville Luistro, karaman kadagiti agtestigo dagiti sumagmamano nga opisial manipud iti bank representatives, Office of the Vice President, ken Department of Education.
Buklen ti pre-trial brief ti summary ti admitted facts, proposed stipulations, isyu a masolbar, listaan dagiti documentary evidence ken listaan dagiti saksi.
Kabayatana, kinuna ni House Impeachment Prosecutor Ysabel Zamo nga adda ti posibilidad a saan a mainaganan dagiti testigo nga opisial ti bangko.
Nupay kasta, mailadawan ti posision wenno ti panggep ti testimonya dagitoy.
Iti agdama, naisubmitiren ti 57-page pre-trial brief ti prosecution.
Inawat daytoy ni Atty. Renato Bantug Jr. a Clerk ti Impeachment Court.
