--Ads--
Umaaw-awat iti ado a reaksyon ti pablaak maipapan kenni Masho, maysa a pusa idiay South Korea gapu ta maibagbaga a karuprupana ni Janno Gibbs.
Saan laeng a dayta, makitkita met laeng a kaing-ingasna ni Bing Loyzaga.
Sigun kenni Joel Lanogan, ti makin-alaga iti nasao a dingwen, tawen 2023 idi inaywanan ni Lanogan ni Masho gapu iti nakaro a lamin iti dayta a panawen.
Nu pay kasta, saan a pusa ti pagaayat nga alagaan ni Lanogan agsipud ta aso ti pagaayatna idi adda daytoy iti pagilian a Pilipinas.
Kabayatanna, makakatawa ni Janno Gibbs iti nasao a panakaikumparana iti nasao a pusa ken impeksana a saanna a kaing-ingas ni Masho.
