Inwaragawag ti Catholic Church a mabalin nga agsanay dagiti agtutubo a bakla nga agbalin a padi a Katoliko idiay Italy ngem naipaganetget a saanda a suportaran ti makunkuna a kultura dagiti bakla.
Daytoy ket maibasar kadagiti baro a pagannurotan ti simbaan nga inaprobaran ti Vatican.
Patien ti nasao a simbaan a manglukat iti ruangan para kadagiti bakla a lallaki nga ageskuela kadagiti seminario, wenno “divinity schools” a mangsanay kadagiti agtutubo a lallaki nga agbalin a padi.
Nupay kasta, napakdaaran dagitoy a dagiti mangitantandudo iti “homosexuality” ket rumbeng a maiparit.
Ti panggep ti panagsanay kadagiti agbalin a padi ket ti abilidadda nga umawat ti kabaelanda a kas sagut, a siwayawaya a mangpili ken agbiag iti kinadalus iti kinaawan asawa.
Ti baro a pagannurutan ket inaprobaran ti Vatican, sigun iti Italian Bishops’ Conference.
